Gee ons ’n nuwe geloofsbelydenis

BeeldSaterdag 08 November 2014

 Jean Oosthuizen (Weekliks, 2 November) se siening van Belhar as voorgenome belydenis saam met die Drie Formuliere van Eenheid in die NG Kerk is ’n geldige een.

Elke gelowige sal erken: Met die strekking van die Belhar-inhoud is daar geen fout te vind nie. Dít bevestig inderdaad die kern van ons geloofsinhoud: Liefde vir God en ons naaste.

Tans is die kerkleiding se uitgangspunt dat Belhar naas die Drie Formuliere van Eenheid as belydenis aanvaar behoort te word, maar dat jy dit nie hoef te onderskryf as jy nie wil nie. Vir die gewone lidmaat is die implikasie daarvan dat jy dan ook nie enige van die ander belydenisse wat tans geld, hoef te aanvaar nie. Veral nie as jy reeds groot vraagtekens het oor die inhoud van die Formuliere­ wat geskoei is op Skrif- en geloofsvertolkings van meer as 2 000 jaar gelede nie.

Dit kom voor of dit meer sinvol sal wees as alle belanghebbende geloofsgroeperinge in die NG Kerk saam ’n nuwe geloofsbelydenis opstel.

Daarin kan die kerninhoud van die Drie Formuliere hergeformuleer word volgens die verstaansopvattinge van gelowiges van die 21ste eeu. Hierby kan ook die kerninhoud van Belhar opgeneem word. Só kan die dogmatiese rigiditeit (wat ’n toenemende hoeveelheid gelowiges ontstel) reggestel en die ontstellende ontstaansredes vir die Belhar-dokument van 30 jaar gelede positief tot geloofsoortuiging omskep word.

In die huidige korrupte, verdrukkende klimaat kan ’n nuwe, algemeen aanvaarde geloofsbelydenis gestalte gee aan ’n geloofsbenadering in ooreenstemming met die liefdesbeginsel van die God in wie ons almal glo – ook gelowiges
van ander denominasies as die Christendom.

Koot Bosman

Pretoria

=================================================================================================

Advertisements

One thought on “Gee ons ’n nuwe geloofsbelydenis

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s